Dembele: Duhet ta harrojmë Champions-in

Ousmane Dembele i ka bërë thirrje PSG-së të ‘harrojë’ suksesin në Champions League.

Në një intervistë për Le Monde, francezi reflektoi mbi sezonin e tripletës të PSG-së.

Sulmuesi, i cili shënoi 35 gola dhe 16 asiste në sezonin 2024-25, gjithashtu theksoi fitoret e paharrueshme me eliminim direkt kundër Liverpoolit dhe Arsenalit si momente kyçe në rrugën drejt lavdisë europiane, e cila përfundoi me një fitore mahnitëse 5-0 kundër Interit në finale.

“Sukseset e sezonit të kaluar janë pjesë e historisë, por duhet t’i harrojmë ato nëse duam të rijetojmë një sezon të jashtëzakonshëm”, tha Dembele. “Ne duam të bëhemi kampionë. Kampionët fitojnë trofe të mëdhenj si Champions League dy ose tre herë në karrierën e tyre”.

Kur u pyet për kujtimet e tij më të çmuara të sezonit, Dembele u përgjigj: “Një fitore 5-0 në finale nuk ndodh çdo vit! Nga fillimi deri në fund, skuadra luajti një ndeshje të jashtëzakonshme. Ishte vërtet ajo mbrëmja që përjetova emocionet më të mira të sezonit”.

Megjithatë, ai e cilësoi fitoren me penallti kundër Liverpoolit si “momentin tjetër më të madh” dhe “fillimin e një serie të shkëlqyer”, duke shtuar: “Ishte e jashtëzakonshme. Si dhe dy ndeshjet kundër Arsenalit, në gjysmëfinale (1-0 në Londër, pastaj 2-1 në Parc des Princes)”.

Së fundmi, ai nënvizoi përpjekjen e PSG-së për të ruajtur suksesin pavarësisht ngarkesës fizike dhe mendore të sezonit të kaluar: “Ne ende kemi shumë motivim. Ne kemi një grup të ri, i cili është ende i uritur për fitore. Atë që përjetuam sezonin e kaluar, duam ta rijetojmë çdo vit”.