Shkon në 19 numri i të vrarëve në Kiev, në mesin e tyre 4 fëmijë

Numri i përgjithshëm i të vdekurve në atë që është sulmi më vdekjeprurës i Rusisë në Kiev që nga korriku është rritur në 19,  përfshirë katër fëmijë.

Mediat lokale po raportojnë se forcat ruse goditën një anije luftarake ukrainase, duke vrarë të paktën një anëtar të ekuipazhit.

Rrethe të shumta banimi në të gjithë kryeqytetin ukrainas u goditën në ofensivën e madhe.

U dëmtuan edhe delegacioni i BE–së dhe ndërtesat e Këshillit Britanik, si dhe ambasada e Azerbajxhanit dhe një ndërmarrje turke.

Pasi dënoi “sulmin masiv“ të Rusisë, presidenti i Ukrainës Volodymr Zelensky bën thirrje për “sanksione të reja dhe të ashpra“ ndaj Moskës.

Ndërkohë, kryebashkiaku i Kievit ka shpallur një ditë zie të premten – në të njëjtën ditë që bisedimet midis zyrtarëve amerikanë dhe ukrainas do të zhvillohen në Nju Jork.