Luis Enrique kujton: Me Interin nuk mund të relaksohesh nëse nuk je 4:0

Duke folur përpara shortit të fazës së grupeve të Ligës së Kampionëve, trajneri i PSG-së, Luis Enrique, kujtoi një vit të mbushur me suksese, trofe dhe kënaqësi të madhe. Ai do ta nisë garën si kampioni në fuqi i Evropës: “Sezonin e kaluar, në një pozicion të vështirë pas humbjes ndaj Bayern?

Duhet të jem i sinqertë, ishte pothuajse e pamundur të mendonim për fitimin e finales. Krijuam kaq shumë raste, por nuk arritëm të shënonim. Iu afruam problemit duke pyetur veten: ‘Pse të mos përqendrohemi në diçka tjetër?

Pse të mos kërkojmë lojtarin më të pozicionuar në zonë?’ Mendoj se statistikat tona ndryshuan pas këtij reflektimi, fitoret erdhën pa e detyruar veten dhe ne rifituam besimin tonë”.

Një koment për finalen kundër Interit: “Ishte në një nga stadiumet më të bukura në Evropë, lloji i ndeshjes që të gjithë ëndërrojnë ta luajnë. Mbaj mend që u kërkova lojtarëve të mi të jepnin 105 përqind, jo 120 përqind, sepse ajo lloj ndeshjeje mund të të mposhtë. Në atë finale, gjithçka shkoi shumë mirë. Ne kemi një tipar që mendoj se na përcakton: gjithmonë vazhdojmë të luajmë në të njëjtën mënyrë, pavarësisht nëse fitojmë apo humbasim”.

“Deri në momentin që rezultati nuk është 4-0, nuk mund të relaksohesh.

Këto janë ndeshje të veçanta ku tensioni mund të të mposhtë dhe mendoj se lojtarët ishin të jashtëzakonshëm në menaxhimin e atij tensioni.

Fishkëllima e fundit? Ishte një moment shumë i veçantë dhe ishte fantastike ta ndaja me familjen time, por duam më shumë.

Duam të vazhdojmë të rritemi si ekip, t’i bëjmë tifozët tanë krenarë dhe të përjetojmë përsëri një moment si ky".