Sylvinho e ftoi në Kombëtare, pllakos zia në familjen e lojtarit nga Kosova

Familja e Mirlind Dakut është në zi.

Sulmuesi ka humbur gjyshin e tij dhe lajmin e trishtë e ka bërë të ditur nëpërmjet një postimi në rrjetet sociale.

“Aq shumë që e deshe këtë ditë Xhumaje, Allahu ta mundësoj që të ikësh në atë botë po në këtë ditë. InshAllah na e ke bo hallall, e Allahu të shpërbleftë me xhehnet. Do na mungosh baba Haxhi”, ka shkruar 27-vjeçari.

Humbje e madhe për futbollistin e Kombëtares, i cili përballjet me një dhimbje kaq të madhe pak ditë para se të grumbullohet me kuqezinjtë.

Siç dihet Daku është pjesë e listës së Sylvinhos për miqësoren me Gjibraltarin dhe ndeshjen me Letoninë që është e vlefshme për kualifikueset e Kupës së Botës 2026.