Ramadani e Berisha me Leccen kokulur ndaj Milanit të Modriçit

Futbollistët Ylber Ramadani dhe Meriton Berisha me Leccen pësuan humbje në vatër të tyre me rezultat 2:0 nga Milani, në ndeshjen e javës së dytë të Serie A.

Ylli kroat, Luka Modriç, është ndër të merituarit për fitoren e Milanit e cila vjen pas humbjes në hapje të edicionit me 1:2 nga Cremonese.

Modriç harkoi nga gjuajtja e lirë ndërsa Loftus-Cheek shënoi me kokë në minutën e 66-të.

Pulisic në minutën e 88-të realizoi për 0:2.

Ramadani u paraqit titullar e u zëvendësua në minutën e 82-të dhe Berisha u aktivizua nga minuta e 63-të.

Milani zë vendin e gjashtë me 3 pikë e Lecce renditet në të 16-tin me 1 pikë.