Bayerni arrin marrëveshje me Chelsean për Jacksonin

Bayern Munchen ka arritur marrëveshje me Chelsean për ta huazuar Nicolas Jacksonin.

Këtë e ka konfirmuar edhe eksperti i transferimeve, Fabrizio Romano, i cili ka thënë se Jackson do të kalojë te Bayerni, fillimisht në formë huazimi.

Huazimi i Jacksonit për një sezon bavarezëve do t’u kushtojë 15 milionë euro, teksa do ta kenë mundësinë e blerjes së tij gjatë verës së ardhshme, që pritet të arrijë shifrën e 80 milionë eurosh – por që nuk do të jetë e obligueshme.

Në marrëveshjen e arritur mes klubeve është edhe përqindja e shitjes në të ardhmen, nëse Bayerni vendos ta blejë përfundimisht sulmuesin e Chelseat.

Jackson kaloi në Premierligë te “Blutë e Londrës” nga Villarreali në vitin 2023 për shumën e 37 milionë eurove.

Me Chelsean, Jackson ka 81 paraqitje në të gjitha garat, duke shënuar 30 gola dhe duke dhuruar 12 asistime.