Interesim i madh për derbin Bashkimi - Struga Trim Lum

Sot në Kumanovë do të luhet derbi i madh mes dy skuadrave shqiptare, KF Bashkimi 1947 dhe FC Struga Trim Lum.

Është kjo ndeshja më tërheqëse e javës së 4-të në Ligën e Parë.

Të dy ekipet kanë një start shumë të mirë të sezonit. Jeshilezinjtë nga Kumanova kanë dy fitore dhe një barazim, ndërsa struganët vijnë me tre fitore radhazi.

Bashkimi 1947 dhe Struga Trim Lum kanë si qëllim të vijojnë rezultatet pozitive në kampionat, andaj pritet një ndeshje e zjarrtë në teren. Është kjo përballja e parë mes tyre në elitën e futbollit.

Kampioni i dyfishtë i Maqedonisë vjen me një respektë të madh në Kumanovë. Një ndeshje emocionuese do të jetë edhe për kapitenin e Strugës, Bunjamin Shabani, i cili e ka nisur karrierën pikërishtë te Bashkimi 1947, dhe do të luaj për herë të parë kundër tifozërisë kumanovare.

Këtë moment të vecantë të gjithë duhet ta shijojmë dhe ta përjetojmë miqësishtë, ta duartrokasim cdo aksion të bukur që e krijojnë lojtarët.

Derbi si zakonisht do të luhet në një atmosferë emocionuese, pasi interesimi për bileta është i madh. 

Sipas Open-TV pritet që edhe sot tribuna e stadiumit të jetë e mbushur me shikues, rreth 5 mijë veta. KF Bashkimi ka njoftuar se biletat do të fillojnë të shiten sot nga ora 12:00 tek stadiumi. Shpresojmë ta shijojmë spektaklin që do të na dhurojnë dy skuadrat shqiptare..