Wilson: Shpresojmë ta përsërisim fitoren në ‘Stamford Bridge`

Mesfushori i Fulhamit, Harry Wilson, ka deklaruar se skuadra e tij do të synojë të përsërisë suksesin e sezonit të kaluar ndaj Chelseat në “Stamford Bridge”.

‘Blutë’ e Londrës dhe Fulham do të ndeshen sot në derbin londinez në kuadër të Premier League-s.

“Patëm arritur fitore të madhe vitin e kaluar. Rodrigo shënoi në minutën e 95-të për të na dhënë fitoren, një ndjenjë e jashtëzakonshme. Nëse arrijmë ta bëjmë përsëri, do të ishte fantastike,” u shpreh Wilson.

Megjithatë, ai pranoi se do të jetë e vështirë përballja me Chelsea-n.

“E dimë që duhet të jemi në maksimumin tonë, sepse Chelsea tregoi edhe këtë verë, duke fituar Kupën e Botës për Klube, se çfarë ekipi fantastik janë. Po ashtu, ata arritën fitore të madhe fundjavën e kaluar kundër West Ham”, theksoi ai.