Gani Llapashtica – emër i madh! Milicia e rrahu rëndë pas ndeshjes dhe përfundoi në spital

Mbrojtës luftarak gjatë viteve të 80-ta!

Është legjenda e futbollit Gani Llapashtica.

Nga Kosova e Vushtrrisë tek Trepça e Mitrovicës dhe në Prishtinën e gjeneratës së artë në vitin 1986!

Ish futbollisti mbahet mend për shpirtin luftarak në fushën e lojës, por ishe halë edhe për regjimin ish jugosllav.

Me 8 prill të vitit 1990 Gani Llapashica është rrahur keq nga milicia e regjimit ish jugosllav dhe serb pas ndeshjes Prishtina – Proloteri i Zrenjaninit, ndeshje e vlefshme e Ligës së Dytë Unike të ish Jugosllavisë.

Ndeshja u mbyllë pa gola në kohën e rregullt dhe me penallti fitoi Proleteri me rezultat 6:5, duke fituar një pikë.

Mbi 20 mijë shikues ishin në stadium dhe dëshmitarë të një torture çnjerëzore të regjimit ish jugosllav.

Llapashticën e rrahën rëndë milicia e regjimit dhe përfundoi në spitalin e Prishtinës.

Përse ishte rrahur Llapashtica?

Sepse ishte personalitet dhe me vlera kombëtare.

Padyshim duhet veçuar edhe një ndeshje të Gani Llapashticës me 6 shtator të vitit 1987, Prishtina me rezultat 3:0 e demoloi Sutjeskën e Nikshiqit!

Ishte fitorja e parë pas një barazimit e tre humbjeve rresht në Ligën e parë ish jugosllave.

Llapashtica ka qenë frymëzim për bashkëlojtarët në çdo ndeshje.  

6 shtator, 1987

Prishtina – Sutjeska 3:0

Stadiumi në Prishtinë.

Shikues: 15.000.

Batroviq (2 - nga penalltia), Bellopoja (65") dhe Shala (90).

Gjyqtarë: D. Rallqiq (Beograd), Z. Jokiqi (Beogradi), A. Qosiqi (Novi Sad).

Kartona të verdhë: Llapashtica - Marushiq.

Prishtina: Shukri Paçarada, Fahredin Duraku 6 (Nazmi Rama), Isa Sadriu 6, Gani Llapashtica 6. Sllavenko Kuzeleviq 7, Muhamed Kolenoviq 7, Zoran Batroviq 6, Mensur Nexhipi 6, Vlladisllav Gjukiq 7, Abdyl Bellooja 7 dhe Kujtim Shala 6.

Sutjeska: Zhivadinoviq 6, Bakraç 7, Radinoviq 6, Vukoviq 6 (Kostiq 5), Gërboviq 6, Marushiq 6, Jovoviq 6, Neneziq 6, Bajçeta 6, B. Neneziq 7 (Mijanoviq) dhe Pejoviq 6.