Marrin pjesë 61 lojtare të reja nga brenda dhe jashtë Shqipërisë

Federata e Futbollit organizoi paraditen e sotme seleksionimin me futbollistet vajza që aktivizohen si në kampionatet brenda vendit, ashtu edhe jashtë Shqipërisë.

Në këtë seleksionim morën pjesë 61 lojtare të lindura në vitet 2009, 2010 dhe 2011.

Përveç vajzave që luajnë në kampionatet vendase, pjesëmarrëse ishin edhe lojtare që vijnë nga vende të ndryshme si Australia, Amerika, Italia, Zvicra, Greqia etj. Gjithashtu, ishin të pranishme edhe ekipet kombëtare të vajzave U-15 dhe U-17, të cilat zhvilluan disa ndeshje testuese.

Aktiviteti u zhvillua nën kujdesin e Drejtorisë Teknike dhe Departamentit të Skautizmit të FSHF-së. Po ashtu, morën pjesë edhe trajneret e ekipeve kombëtare të vajzave U-15, U-17 dhe U-19, së bashku me stafet e tyre teknike, të cilat drejtuan skuadrat në fushë.

Gjatë seleksionimit u identifikuan disa futbolliste me potencial, të cilat do të vijojnë të ndiqen në vazhdimësi nga Departamenti Teknik i FSHF-së.