Sulmuesi shqiptar përfshihet në formacionin më të mirë të javës në Angli

Anis Mehmeti ka bërë mjaft mirë në Angli këtë javë. Sulmuesi shqiptar shënoi dhe asistoi, ndërsa Bristol Siti fitoi 4 me 2 përballë Hull Sitit.

Dhe Mehmeti ishte padyshim lojtari i ndeshjes, ndërsa Bristoli korri fitore në javën e katërt.

Po ashtu në formacionin e javës të Championship, “Sofascore” e ka përfshirë edhe Mehmetin.

Nota 8.3 e vendos atë te një nga lojtarët që bëri më mirë.

Ftesa për Mehmetin nga Kombëtarja mungon prej dy vitesh.

Të premten u zyrtarizuan emrat e përzgjedhur nga Silvinjo.

Për Mehmetin nuk kishte vend, ndërsa trajneri u shpreh në konferencë se ky nuk është momenti për të rinj.