Duka: Me dhimbje të madhe mora lajmin për ndarjen nga jeta të Lulzim Konçit

Presidenti i Federatës Shqiptare të Futbollit, z. Armand Duka, ka shprehur dhimbjen dhe ngushëllimet e tij për ndarjen nga jeta të gjyqtarit të njohur shqiptar, Lulzim Konçi, një figurë e rëndësishme e arbitrimit në vend.

Në një mesazh publik, Presidenti Duka vlerëson kontributin e Konçit si arbitër ndërkombëtar i FIFA-s dhe më pas si vëzhgues dhe mentor për brezat e rinj të arbitrave.

“Me dhimbje të madhe mora lajmin për ndarjen nga jeta të Lulzim Konçit, një prej figurave më të spikatura të arbitrimit shqiptar.

Kontributi i tij si arbitër i FIFA-s dhe më pas si vëzhgues mbetet pjesë e rëndësishme e historisë së futbollit tonë.

Dua t’i shpreh ngushëllimet më të sinqerta familjes Konçi, të afërmve dhe komunitetit të arbitrimit shqiptar. Kujtimi i tij do të mbetet i paharruar”, – u shpreh Duka.

Lulzim Konçi ka qenë një nga emrat më të respektuar të arbitrimit shqiptar, me një karrierë të gjatë në fushat brenda dhe jashtë vendit.