Vardy drejt Serie A, marrëveshja tashmë e përfunduar

Sulmuesi i njohur anglez, Jamie Vardy, është shumë pranë një aventure të re në Serie A.

Sipas raportimeve të gazetarit Nicolo Schira, transferimi i tij te Cremonese ka hyrë në fazën përfundimtare.

Vardy pritet të firmosë si lojtar i lirë një kontratë që do ta mbajë të lidhur me klubin italian deri në qershor të vitit 2026.

Marrëveshja përfshin edhe opsionin për një vit shtesë, deri në 2027, i cili do të aktivizohet automatikisht në rast se Cremonese arrin të mbijetojë në Serie A.

38-vjeçari, që u bë legjendë e Leicester Cityt me titullin historik të Premier League në vitin 2016, shihet si një përforcim i madh për sulmin e skuadrës italiane, e cila synon të sigurojë qëndrimin mes më të mirëve.