Avdullahu dhe Hoxha krenarë që përfaqësojnë Kosovën

Leon Avdullahu dhe Veldin Hoxha janë dy prurjet e reja në Kombëtaren e Kosovës.

Kjo dyshe tashmë i është bashkuar Dardanëve për sfidat e shtatorit.

Kosova më 5 shtator në Bazel do të përballet me Zvicrën, derisa tri ditë më vonë në ‘Fadil Vokrri’, do të ballafaqohet me Suedinë.

Avdullahu dhe Hoxha përmes një video të publikuar nga FFK-ja shprehen krenar që përfaqësojnë Kombëtaren e Kosovës.

"Unë jam Leon Avdullahu, lojtari më i ri i Kombëtares së Kosovës. Zemra më ka thënë me përfaqësu vendin tim Kosovën. Për vendin tim, zemrën në fushë e lë. Forca Kosova”, ka thënë Avdullahu.

"Unë jam Veldin Hoxha, lojtari më i ri i Kombëtares së Kosovës. Është nder të përfaqësoj vendin tim Kosovën. Forca Kosova”, tha Hoxha.

Ndryshe, Kombëtarja jonë tashmë është duke u përgatitur për dy sfidat e shtatorit, ndeshje këto tejet të rëndësishme për kombëtaren tonë në garën për kualifikim në Botërorin e ardhshëm.