Treni shtyp veturën në Poloni

Hekurudhat Shtetërore Polake kanë publikuar një video dramatike të një aksidenti në të cilin një tren shtypi një veturë në binarë.

Incidenti ndodhi pasi shoferi 81-vjeçar kaloi me veturë nëpër rampat e ulura dhe u ndal direkt në binarë në pjesën midis Granowo dhe Stęszew, më 18 gusht rreth orës 12:30, raporton polsatnews.pl.

Shoferi pas përplasjes u dërgua në spital dhe është në gjendje të qëndrueshme, transmeton KosovaPress.

Një javë pas aksidentit, Hekurudhat Shtetërore Polake publikuan një video të kamerës mbikëqyrëse si pjesë e fushatës "Kalim i sigurt".

"Një vagon pasagjerësh kaloi nën një tren Kolei Wielkopolskich në itinerarin e Stacionit Kryesor të Poznan - Wolsztyn", thuhet në përshkrim.

Për shkak të aksidentit, trafiku hekurudhor u ndërpre rreth dy orë dhe u organizua transporti zëvendësues me autobus për pasagjerët.

Çdo vit në Poloni ndodhin rreth 170 aksidente në kalimet hekurudhore, në të cilat vdesin dhjetëra njerëz.