Shkak fuqia e motorëve të një aeroplani, një turist në Greqi përfundoi në det

Një turist në Greqi ka përjetuar një moment qesharak, pasi u hodh në det nga fuqia e motorëve të një aeroplani të easyJet.

Ngjarja ndodhi në aeroportin e Skiathos-it, i njohur për pistën e tij të shkurtër dhe afrimitetin me plazhin.

Turisti u pozicionua pas aeroplanit, duke u përpjekur të sfidonte fuqinë e erës së motorëve.

Megjithatë, menjëherë pas ndezjes së plotë, ai humbi ekuilibrin dhe përfundoi në ujë.

Pamjet e filmuara nga dëshmitarët janë shpërndarë gjerësisht në rrjetet sociale.

Ngjarja ka shkaktuar të qeshura mes pushuesve dhe është bërë virale në internet.