Casemiro vendos për të ardhmen, qëndron te Unitedi

Mesfushori brazilian, Casemiro tashmë 33 vjeç, ka marrë një vendim të rëndësishëm për të ardhmen e tij.

Ai do të vazhdojë karrierën te Manchester United, pavarësisht ofertave të shumta të ardhura nga Arabia Saudite.

Zgjedhja e tij nuk lidhet me aspektin financiar, por me synimin sportiv.

Casemiro dëshiron të rrisë gjasat për të qenë pjesë e kombëtares së Brazilit në Kupën e Botës së ardhshme, nën drejtimin e Carlo Ancelottit.