Ukraina, Trump pritet të flasë me Putin

Kreu i Shtëpisë së Bardhë, Donald Trump, ka deklaruar se do të zhvillojë shumë shpejt një bisedë me presidentin rus, Vladimir Putin. Ai theksoi vështirësinë e arritjes së një marrëveshjeje mes Ukrainës dhe Rusisë, ndërsa shtoi se deri më tani kishte zgjidhur shumë luftra.

“Po zhvillojmë një dialog shumë të mirë. Kam zgjidhur shtatë luftra. Ajo që mendova se do të ishte ndoshta një nga më të lehtat. E dini, ajo ndjenjë. Mendon se një gjë do të jetë e lehtë, rezulton të jetë pak më e vështirë.

Po vriten civilë në nivele që nuk i kemi parë që nga Lufta e Dytë Botërore. Dhe nuk janë amerikanë. Nuk janë nga asnjë nga vendet nga të cilat janë disa prej jush, por janë njerëz, janë shpirtra. Por do ta zgjidhim.“

Deklarata e Trump vjen gjatë një darke të profilit të lartë me më shumë se njëzet drejtues të teknologjisë në Shtëpinë e Bardhë. Udhëheqësit e industrisë vlerësuan qëndrimin e administratës së tij ndaj inteligjencës artificiale dhe biznesit.