Selektori rumun nuk e duron barazimin me Kosovën U-21 të Afrim Tovërlanit

Kosova U-21 sot ka befasuar në Iasi duke i marrë pikë Rumania U-21 në kuadër të kualifikueseve për Kampionatin Evropian 2027 në futboll.

Barazimi 0:0 me Kosovën U-21 ka elektrizuar rumunët.

Selektori i Kosovës U-21, Afrim Tovërlani, edhe një herë është treguar se është trajneri më i suksesshëm që ka vendi ynë.

Costin Curelea, selektori i Rumanisë U-21, nuk e duron këtë barazim. 

Kosova dhe Rumania janë pjesë e Grupit A, së bashku me Finlandën, Spanjën, Qipron dhe San Marinon.

"Loja nuk më kënaqi aspak. Nuk e kuptova pse e ndienin presionin. U përpoqa të mos u bëja presion. U thashë se nuk kishin asgjë për të humbur, thjesht duhej të luanin. Edhe pse morëm vetëm një pikë, është një rezultat pozitiv, nuk e humbëm ndeshjen e parë. 

Mund të themi se krijuam disa raste, të paktën në pjesën e parë, pas së cilës gjendja jonë fizike foli vetë. Ndjeva sikur duhej ti zëvendësoja rreth 6-7. Tashmë mund ta shihja se ishin shumë të lodhur, megjithëse shumica e tyre luajnë në Ligën 1 dhe kanë minuta.

Nëse arrinim të shënonim, ishte një situatë tjetër. Problemi ishte tek ne, jo tek ata. Ne ishim të ngadaltë.

Jam i shqetësuar për punën me moralin e tyre, sepse u mposhtën nga rreziqet e ndeshjes. Përndryshe, nuk mund ta vëmë në dyshim vlerën e lojtarëve, por ata duhet të përpiqen të bëjnë më shumë.

Ata kanë lirinë për të ndërmarrë veprime, për të treguar vlerën e tyre, por për momentin nuk kemi parë asgjë. Do të vazhdojmë të punojmë dhe do të shohim se çfarë do të vijë më pas.

Është një fillim, emocioni i debutimit ka kaluar dhe ne do të përshtatemi gjatë rrugës”, tha Costin Curelea për mediumin rumun “PRO TV”.