Isak fillon stërvitjet me Liverpoolin

Futbollisti i Kombëtares së Suedisë, Alexander Isak është rikthyer në Liverpool pas humbjes ndaj Kosovës.

Isak është rikthyer në Angli dhe për herë të parë ka filluar stërvitjet me klubin “The Reds”.

Sulmuesi është transferimi më i ri i “The Reds” gjatë afatit kalimtar të verës.

Por, ai u transferua në ditën e fundit të afatit dhe kjo është hera e parë që Isak ka filluar stërvitjet me Liverpoolin.

Sulmuesi suedez ka mundësi të bëjë debutim gjatë këtij vikendi me klubin e ri.