Kombëtarja e Kosovës U15 e vajzave është në grumbullim treditor
- Bota Sot
Kombëtarja e Kosovës U15 e vajzave është në grumbullim treditor në kuadër të përgatitjeve për turneun zhvillimor të UEFA-s, që do të mbahet në Tiranë nga 24 shtatori.
Në këtë fazë përzgjedhësja Xhuli Berisha ka përfshirë 28 futbolliste në seleksionim, nga të cilat do të përzgjidhen 20 lojtare që do të përfaqësojnë Kosovën në këtë aktivitet të rëndësishëm ndërkombëtar.
Përveç Kosovës, në këtë turne do të marrin pjesë edhe Shqipëria, Estonia dhe Moldavia.
Është një turne i mirëseardhur për vashat tona.
