Kai Rooney pëson lëndim të rëndë

Kai Rooney, djali i ish-kapitenit legjendar të Manchester United, Wayne Rooney, ka pësuar një lëndim shqetësues që e ka detyruar të mbajë këpucë mbrojtëse në këmbën e djathtë.

Sulmuesi 15-vjeçar, i cili këtë sezon është pjesë e ekipit U18 të United, e ka bërë të ditur lajmin përmes rrjeteve sociale, ku publikoi një fotografi me çizmen mbrojtëse dhe një mbishkrim të shkurtër: ‘Jeta s’mund të bëhet më e keqe’, duke shtuar edhe një emoji me lot.

Aktualisht nuk ka detaje të sakta për natyrën e lëndimit apo kohën e rikuperimit, mirëpo situata duket të jetë e rëndë duke parë shprehjen e tij emocionale.

Kai Rooney është pjesë e akademisë së Manchester United që nga mosha 11-vjeçare dhe konsiderohet si një nga talentet më premtuese të brezit të ri.