Spikat derbi Prishtina–Drita

Pas pushimit për shkak të ndeshjeve të Kombëtareve, Superliga e Kosovës rikthehet këtë fundjavë me sfida tepër interesante.

E diela do të sjellë emocionet e javës së katërt, ku vëmendja kryesore do të jetë te përballja e rivalëve të vjetër, Prishtina – Drita, derbi që gjithmonë ka prodhuar dramë dhe spektakël në fushë.

Ballafaqimi mes prishtinasve dhe gjilanasve do të luhet nën dritën e reflektorëve, duke nisur nga ora 20:45.

Megjithatë, edhe sfidat tjera të kësaj xhiroje pritet të jenë joshëse, pasi katër ndeshje do të zhvillohen më herët gjatë ditës, që nga ora 15:00.

Superliga /Java e katërt

Të dielën takohen:

15:00 | Ballkani – Drenica

15:00 | Dukagjini – Ferizaj

15:00 | Gjilani – Malisheva

15:00 | Prishtina e Re – Llapi

20:45 | Prishtina – Drita