Gordon pranon dorëzimin

Anthony Gordon foli pas ndeshjes Newcastle-Barcelona, ku shënoi golin e vetëm të skuadrës së tij: “Nuk jemi mësuar të luajmë kundër lojtarëve që e mbajnë topin në këtë mënyrë.

Po, kemi përballuar Chelsea dhe Manchester City më parë, por kurrë nuk ishin kështu…

Katalanasit ishin më të mirët në këtë aspekt, kundër të cilëve kam luajtur”.

Trajneri Eddie Howe e komentoi kështu humbjen ndaj Barcelonës: “Ishte një paraqitje e mirë, por jo e madhe.

Për të mundur Barcelonën duhet të bësh më shumë. Kemi pasur dy raste të mëdha, por nuk arritëm t’i shfrytëzonim.

Ishim të përfshirë maksimalisht, nuk u ndjemë jashtë loje, por më vjen keq që nuk shënuam golin e parë.

Mund të mbronim më mirë, sidomos në golin e parë. Gol i dytë ishte i jashtëzakonshëm, por jemi të zhgënjyer me mënyrën si arriti topi te Rashford”.