Messi gati të rinovojë me Inter Miamin

Lionel Messi është pranë zgjatjes së kontratës me Inter Miamin.

‘Ylli’ argjentinas, i cili në qershor do të mbushë 39 vjeç, ka dhënë miratimin për të qëndruar në MLS deri në vitin 2026, me synimin e qartë për të mbërritur si protagonist në Kupën e Botës që do të zhvillohet në SHBA, Kanada dhe Meksikë.

Që prej verës së vitit 2023, kur u transferua në Florida, eksperienca e Messit është shndërruar në një projekt afatgjatë, si në aspektin sportiv ashtu edhe personal. Ai ka gjetur vazhdimësi në paraqitje dhe një ambient që i lejon të menaxhojë më mirë energjitë dhe rikuperimin, pa hequr dorë nga spektakli në fushë.

Sezoni aktual konfirmon ndikimin e tij te skuadra: gola, asist dhe lidership që vazhdojnë të tërheqin Inter Miamin drejt rezultateve pozitive.

Rinovimi do të përfaqësonte edhe hapin vendimtar drejt ëndrrës së tij për të luajtur një tjetër Botëror me Argjentinën në vitin 2026, duke e afruar fundin e karrierës së tij me një epilog legjendar.