Brighton synon rikthimin te fitorja

Brighton do të përpiqet të gjejë më shumë gëzim në “Amex Stadium” këtë të shtunë, kur skuadra e Thomas Frank dhe Tottenham të zbresin në jug të Anglisë.

Pas fitores mbresëlënëse 2-1 kundër Manchester City në shtëpi, Brighton u rikthye me këmbë në tokë javën e kaluar, duke humbur 2-1 ndaj Bournemouth.

Vetëm 4 pikë nga katër javët e para përbëjnë nisjen më të dobët të tyre që nga sezoni 2020/21, kur përfunduan në vendin e 16-të.

Me një sfidë të vështirë ndaj Chelseat që i pret më pas, presioni mbi trajnerin Fabian Hürzeler është rritur.

Nga ana tjetër, Tottenhami i Thomas Frank ka fituar katër nga gjashtë ndeshjet e para në drejtim (2 humbje), duke përfshirë edhe triumfin 1-0 ndaj Villarrealit në debutimin e tyre në Champions League këtë sezon.

Edhe pse paraqitja nuk ishte bindëse, Frank theksoi “bazat e forta” të skuadrës, diçka që mungoi sezonin e kaluar. Forma e mirë në transfertë ka shtuar optimizmin, me Spurs që kanë fituar të dy ndeshjet e tyre të deritanishme jashtë fushe në Premier League, me një golavarazh 5-0.

Statistika dhe histori përballjesh

Brighton arriti dy fitore ndaj Tottenham sezonin e kaluar, për herë të parë në histori.

Seagulls synojnë të fitojnë për herë të tretë radhazi në shtëpi ndaj Spurs.

Brighton ka vetëm një portë të paprekur në 16 ndeshjet e fundit të Premier League.

Tottenham ka parë mbi 1.5 gola në 11 nga 12 transfertat e fundit në kampionat.

Rezultati i pjesës së parë është përsëritur edhe në fund në 9 nga 12 ndeshjet e fundit të Spurs.

Lojtarë kyç dhe mungesa

Yankuba Minteh shënoi kundër Tottenham sezonin e kaluar, dhe Brighton nuk ka humbur asnjë nga gjashtë ndeshjet ku ai ka gjetur rrugën e rrjetës (4 fitore, 2 barazime).

Xavi Simons është në formë të shkëlqyer me tetë kontribuime në gola në dhjetë ndeshjet e fundit në ligë (4 gola, 4 asistime).

Brighton humbi të dëmtuar Jack Hinshelwood dhe Maxim De Cuyper ndaj Bournemouth.

Tottenham vazhdon të jetë  pa Dominic Solanke, ndërkohë që James Maddison dhe Dejan Kulusevski mbeten mungesa afatgjata.