Mbrojtësi i thur elozhe trajnerit

Françesko Açerbi, mbrojtësi i Interit, ka folur për trajnerin e tij të ri, Kristian Kivu, duke e vlerësuar si një person të shkëlqyer dhe një profesionist me përvojë.

Në një intervistë për Sky Sport, Açerbi theksoi se metodat e stërvitjes së Kivus janë më intensive se ato të trajnerit të mëparshëm, Simone Inzaghi, dhe e kanë impresionuar pozitivisht.

Ai shtoi se Kivu ka një kuptim të thellë të asaj që do të thotë të fitosh dhe të humbësh, gjë që e bën atë një udhëheqës të mençur dhe të respektuar nga lojtarët. Açerbi ndau gjithashtu mendimet e tij për karrierën dhe jetën personale, duke theksuar rëndësinë e punës së palodhur dhe pasionit për sportin.

“Edhe kur nuk fiton gjithmonë, puna dhe përkushtimi shpërblehen,” tha mbrojtësi italian. Ai e sheh veten si një luftëtar që kërkon të japë gjithçka në çdo moment të karrierës së tij dhe shprehu dëshirën që, kur të tërhiqet nga futbolli, të mos ketë asnjë pendesë. Açerbi konsideron këtë angazhim ndaj vetes dhe pasionit për lojën si parimin kryesor që e udhëheq në fushë.