Aksident i rëndë në Greqi! Makina përplas një 11-vjeçar ndërsa po përpiqej të kalonte rrugën, humb jetën në spital

Një aksident i rëndë trafiku ndodhi në Igumenicë , kur një makinë përplasi një nxënës 11-vjeçar, i cili po kthehej nga shkolla për në shtëpi.

Në rrethana që janë nën hetim, fëmija u godit nga një automjet kalimtar ndërsa po përpiqej të kalonte rrugën, duke rezultuar në lëndime të rënda.

Ai u transferua menjëherë në Departamentin e Urgjencës së Igumenicës dhe më pas në Spitalin e Filiates. Sipas epiruspost, 11-vjeçari, pavarësisht përpjekjeve të mjekëve, vdiq pak kohë më vonë.

Shoferi 58-vjeçar i automjetit është arrestuar.