Stadiumi “Skënderbeu” hap dyert për supersfidën e javës

Kategoria e Parë do të ngrejë “siparin” për të luajtur dy ndeshjet e para të javës së 5-të të kampionatit.

Dy takime të rëndësishme do të zhvillohen sot në orën 16:00 dhe në 19:00.

Të parët që do të dalin në fushë janë Besa e Kavajës dhe Lushnja.

Në këtë takim, verdhezinjtë kavajas kërkojnë të rikthehen te rezultatet pozitive. Ndërsa në orën 19:00, Skënderbeu do të presë Laçin në Korçë.

“Ujqërit e Dëborës” po zhvillojnë një sezon mjaft të mirë, ku në katër javë njohin  3 fitore dhe një barazim.

Ndërsa Laçi ndodhet në vendin e dytë poshtë tyre me 9 pikë.