Spalletti: Përvoja me Italinë ende më tingëllon në kokë

Ish – selektori i ekipit kombëtar të Italisë në futboll, Luciano Spalletti, tha se i duhej kohë për të pranuar shkarkimin e dhimbshëm nga ekipi kombëtar dhe vlerësoi punën e trajnerit aktual Gennaro Gattuso.

Spalletti u emërua trajner disa javë pasi fitoi titullin e Serie A me Napolin, kur Roberto Mancini u largua papritur në shtator të vitit 2023.

Ai udhëhoqi ekipin në Kampionatin Evropian dhe u shkarkua në qershor pasi ekipi filloi kualifikueset e Kupës së Botës me një humbje 3:0 ndaj Norvegjisë.

"Në këtë moment, përvoja me ekipin kombëtar italian ende më tingëllon në kokë. Nuk jam përpjekur ta harroj, duhet ta pranojmë përvojën dhe gjithçka që na sjell.

Nuk shkoi ashtu siç doja, por i dhashë gjithçka. Tani më duhet pak kohë për të pranuar dhimbjen dhe pastaj do të filloj nga e para", tha Spalletti.