Arsimi do fitore kundër Shkupit! Velija: Të tregojmë vlerat tona

Në kuadër të javës së 8-të të Ligës së Parë të Maqedonisë së Veriut në futboll, do të ndeshen mes vete skuadrat shqiptare Arsimi nga Çegrani e Shkupi. 

Arsimi synon të kthehet te fitoret pas humbjes ndaj Brerës në Strumicë, ndërsa Shkupi është në seri të rezultatesh të këqija dhe po kërkon rrugëdalje nga kriza. 

Dueli në Gostivar është një mundësi e shkëlqyeshme për ekipin vendas për të fituar pikë të rëndësishme në garën për një pozicion më të mirë në tabelë.

Një nga liderët e lojës së Arsimit, Bashkim Velija, është plot optimizëm.

 “Është normale që jemi të zhgënjyer që nuk e mposhtëm Brerën, sepse nuk realizuam shumë raste.

Por futbolli është i tillë dhe duhet të shohim përpara. Tani po përballemi me një kundërshtar si Shkupi, e dimë që janë në krizë, por ne do të dalim në fushë vetëm për të fituar. Duam të kapim një ritëm fitues dhe të tregojmë vlerat tona”, tha Velija.

Lojtari i Arsimit theksoi se atmosfera në ekip është pozitive dhe se të gjithë lojtarët janë të gatshëm të japin maksimumin.

“Kemi energji të mirë në ekip dhe të gjithë jemi të përqendruar në të njëjtin qëllim. Me mbështetjen e publikut, besoj se mund të arrijmë rezultatin e dëshiruar”, shtoi Velija.

Ndeshja do të luhet të shtunën në stadiumin e qytetit në Gostivar, duke filluar nga ora 15:00.