Kosova synon mrekullinë tjetër pas Suedisë, tani ndaj Sllovenisë

Kombëtarja e Kosovës në futboll do të ketë dy ndeshje shumë të vështira në muajin tetor.

E para, në stadiumin “Fadil Vokrri” në Prishtinë, do të përballen (10 tetor) me Slloveninë.

Tre ditë më vonë luan në konak të Suedisë.

"“Kosovë –Slloveni, 10 tetor 2025, ora 20:45, stadiumi “Fadil Vokrri” Prishtinë.

Suedi - Kosovë, 13 tetor 2025, ora 20:45, stadiumi “Ullevi” Gotenburg””, thuhet në njoftimin e FFK-së.

Pas fitores me rezultat 2:0 ndaj Suedisë, tani synojnë mrekullinë e radhës, triumfin tjetër që të përforcojnë pozitën e dytë në Grupin të kualifikimeve për Kampionatin Botëror.

Pas xhiros së dytë Zvicra kryeson me 6 pikë, pasojnë Kosova me 3, Suedia 1 dhe Sllovenia me 1 pikë.