PSG-ja do t’i bëjë tri trasnferime gjatë janarit

Paris Saint-Germain (PSG) po punon tashmë për merkaton e dimrit me synimin për të shtuar tre përforcime kyçe që Luis Enrique i konsideron të domosdoshme për të përsëritur suksesin në Ligën e Kampionëve.

Sipas raporteve të fundit, klubi parizien po kërkon një sulmues të djathtë që luan në atë krah, por me këmbë të majtë. Kjo veçori do t’i lejonte ekipit më shumë fleksibilitet ofensiv ndaj mbrojtjeve kundërshtare. PSG ka tashmë Désiré Doué në atë pozicion, por drejtuesit sportivë besojnë se nuk do të mjaftojë në rast dëmtimesh ose rënieje forme.

PSG po mendon gjithashtu për një qendërmbrojtës të ri që do të sillte më shumë rotacion në atë repart. Me lojtarë si Pacho, Marquinhos dhe Zabarnyi, ngarkesa fizike dhe numri i madh i ndeshjeve kërkon më shumë alternativa. Paralelisht, po shqyrtohet edhe afrimi i një mesfushori që mund të futet menjëherë në formacionin bazë. Me Vitinha, Joao Neves dhe Fabián Ruiz tashmë në skuadër, ata duan dikë që të konkurrojë për minuta dhe të sjellë freski e zgjidhje në momentet e vështira.

Trajneri spanjoll ka theksuar shpesh se PSG duhet të jetë e përgatitur jo vetëm për Ligue 1, por edhe për fazat vendimtare të Ligës së Kampionëve. Për më tepër, dëmtimet e fundit si ato të Joao Neves, Désiré Doué apo Dembélé kanë nxjerrë në pah mungesën e thellësisë në disa pozicione kritike. Kjo është një arsye shtesë për këto tre afrime të propozuara.

PSG e ka të qartë se nuk do të transferojë vetëm për të rritur numrin e lojtarëve. Ata do të veprojnë vetëm nëse shfaqen mundësi reale për lojtarë vendimtarë. Në merkaton e kaluar, klubi parizien shpenzoi mbi 100 milionë euro, por solli vetëm Lucas Chevalier dhe Ilya Zabarnyi. PSG është e përgatitur për një dimër me lëvizje strategjike. Luis Enrique ngul këmbë për tre përforcime specifike: një sulmues të djathtë me këmbë të majtë, një qendërmbrojtës dhe një mesfushor rotacioni. Nëse arrijnë t’i sigurojnë, shanset për të qenë konkurrues në Ligën e Kampionëve rriten ndjeshëm. PSG tashmë është aktive, duke vlerësuar emrat dhe mundësitë reale. Tani mbetet për t’u parë se kush do të vijë dhe nëse këto tri përparësi do të realizohen për t’i bërë diferencën.