Mediat izraelite: UEFA e ka siguruar Izraelin në lidhje me përjashtimin nga garat evropiane

UEFA i ka dërguar një letër Shoqatës së Futbollit të Izraelit (FA), duke e siguruar se këtë javë nuk është planifikuar asnjë mbledhje për të shqyrtuar ndalimin e Izraelit nga aktivitetet ndërkombëtare për shkak të luftës në Rripin e Gazës.

Lajmi raportohet nga Ynet, duke cituar burime pranë organizatës.

Ky sqarim bie ndesh me raportimet e ditëve të fundit nga The Times, sipas të cilave Komiteti Ekzekutiv i UEFA-s pritej të mblidhej këtë javë për të diskutuar çështjen e mundshme të pezullimit të Izraelit.

UEFA nuk ka dhënë ende një deklaratë publike lidhur me këtë zhvillim.