Dimarco thotë se me Chivu po e rigjen veten

Marcelo Dimarco ka folur hapur për momentin e tij te Inter, duke pranuar se nuk ishte duke performuar në nivelin e zakonshëm gjatë muajve të fundit dhe se trajneri i mëparshëm, Simone Inzaghi, e zëvendësonte shpesh para përfundimit të ndeshjes.

 “Çfarë ka ndryshuar? Nga pikëpamja ime, asgjë. Gjithmonë jam stërvitur 100 për qind. Ishte thjesht zgjedhja e trajnerit të mos më jepte më shumë se gjysmë ndeshjeje në të kaluarën. Të luash nëntëdhjetë minuta më shpesh të ndihmon të përmirësosh gjendjen tënde në vend që të zëvendësohesh automatikisht pas gjashtëdhjetë minutash”, ka thënë ai.  “Chivu po na jep shumë. Ai po më ndihmon të rifitoj vetëbesimin që kisha humbur në muajt e fundit. E kuptova se nuk po performoja aq mirë sa në tre vitet e gjysmë të mëparshme me Interin, por kjo mund të ndodhë. Po dal nga kjo me ndihmën e trajnerit dhe shokëve të mi të ekipit”.

Dimarco ka shtuar se fokusi tani është te e tashmja dhe te motivimi i ri me trajnerin aktual.n

“E kaluara është e kaluar. Ashtu si kur fituam kampionatin, thamë se nuk po flasim për të kaluarën dhe po bëjmë të njëjtën gjë këtë vit. Kemi filluar nga e para me një trajner të ri dhe motivim të ri, dhe duhet ta ndjekim atë sa më mirë që të mundemi. Po rritemi dhe kjo më duket e qartë”, ka thënë ai.