Interi luan sot ndeshjen e dytë në Champions League

Trajneri Christian Chivu foli të hënën para medias për sfidën e radhës të Interit në Ligën e Kampioneve, kundër Slavia Pragës, që do të luhet sonte në San Siro.Trajner, pas fitoreve ndaj Ajaks-it, Sasuolos dhe Kaljarit, si e shihni këtë ndeshje?

Është një ndeshje e rëndësishme. Slavia është një skuadër me intensitet të lartë dhe lojë direkte.

Duhet të jemi të kujdesshëm dhe të dominojmë në çdo aspekt. Fitoret e fundit kanë rritur vetëbesimin tonë, por nuk duhet të nënvlerësojmë kundërshtarin.

Sa e vështirë është menaxhimi i grupit me kaq shumë ndeshje të njëpasnjëshme?

Kemi një grup të madh lojtarësh, dhe rotacioni është i domosdoshëm.

Të gjithë kontribuojnë, dhe kjo më vë në një pozitë të mirë, por gjithashtu më detyron të marr vendime të sakta për formacionin. Zomer do të luajë nesër, por të gjithë lojtarët kanë punuar shumë gjatë javës.

A keni ndonjë shqetësim për intensitetin e ndeshjes kundër Slavia Pragës?

Po, është një ekip që sjell shumë lojtarë në gjysmën tonë të fushës. Duhet të kontrollojmë ritmin dhe të bëjmë lojën tonë. Nuk duhet të lejojmë që karakteristikat e tyre më të mira të ndikojnë në ndeshjen tonë.