Eberl hap derën për rinovimin me Harry Kanen

Bayerni i Munihut përballet me sfidën e Ligës së Kampioneve në Qipro.

Para ndeshjes kundër kundërshtarëve inferior në letër, Pafos, drejtori sportiv Maks Eberl foli për Harry Kanen, dhe gjithashtu për Dajot Upamekano.

Forma mbresëlënëse aktuale e Herri Kejn nuk shihet vetëm në statistika. Sulmuesi së fundmi konfirmoi se ndihet si në shtëpi në Mynih dhe madje la të kuptohet për një zgjatje të kontratës.

“Mendoj se ata,” pra drejtuesit e Bajernit, “janë të kënaqur me mua, dhe unë jam i kënaqur me ta.

Prandaj këto bisedime mund të zhvillohen,” tha anglezi pas fitores bindëse ndaj Bremenit.

Nuk ishte aspak surprizë që drejtori sportiv Maks Eberl u pyet për Kejnin në aeroportin e Mynihut para nisjes për në Qipro. 52-vjeçari shpjegoi se një bashkëpunim përtej se zonit 2026/27 ishte “absolutisht i mundur” për kryesuesin e Bundesligës: “Prandaj do të diskutojmë hapat e ardhshëm me të në mënyrë të qetë.”

Pak para fluturimit për në Larnaka, Eberl lavdëroi golashënuesin kryesor të Mynihut si një “lider absolut.”

Edhe bashkëlojtarët e tij kohët e fundit kishin folur shumë mirë për Kejn. Eberl, në çdo rast, e dinte se ishte “fantastike” për Kejn “të fitojë trofe me ne, ai e tha vetë. Ne duam ta bëjmë këtë me të për një kohë të gjatë.” Fakti që Kejn do të ishte 34 vjeç në fund të kontratës aktuale nuk e shqetëson Eberl.

“Mësova nga mentori im i vjetër, Hans Mejer, se përzierja në skuadër është vendimtare.

Nëse ke një përzierje të mirë, atëherë mund t’i mbash lojtarët më të vjetër, që thjesht kanë cilësi të jashtëzakonshme, për një periudhë më të gjatë.” Dhe forma kulmore aktuale e  Kane, me 18 kontribute direkte në gola vetëm në tetë ndeshje zyrtare, flet vetë. “Duket sikur ka rënë në një burim rinie,” tha Eberl.

Përveç Kane, drejtori sportiv i Bajernit ka edhe negociata të tjera të rëndësishme kontratash që e presin në muajt e ardhshëm.

Një shembull është Dajot Upamekano. Mbrojtësit francez, i cili ka qenë në Mynih që nga vera e vitit 2021, i përfundon kontrata në fund të sezonit.

Negociatat kohët e fundit u ndalën për shkak të kërkesave të rritura të pagës së Upamekanos. Por Eberl është i vendosur të luftojë për 26- vjeçarin: “Po përpiqemi ta bindim të vazhdojë me projektin tonë. Duam ta mbajmë.”