Olise bëhet prioriteti kryesor i Bayernit

Beteja për Olise ka filluar, klubet kryesore të Premier Ligë duan ta rikthejnë lojtarin e Bajernit në Angli. Kampionët rekord po punojnë tashmë për një kontratë të re me Olise për të zmbrapsur përfundimisht “sulmin” shumë milionësh.

Kontrata aktuale zgjat deri në verën e vitit 2029.Një faktor vendimtar për Bajernin në këtë lojë kundër klubeve angleze: ndryshe nga më parë te Kristal Palas, kontrata e tij nuk përmban klauzolë largimi. Me një pagë bazë vjetore të vlerësuar prej 12 milionë eurosh, francezi ende nuk është mes më të paguarve të klubit. Me bonuse, ai mund të fitojë deri në 16 milionë euro.

Për krahasim, Herri Kejn, i cili gjithashtu është në shënjestrën e klubeve të Premier Ligë, mund të fitojë deri në 24 milionë euro në vit. Kjo i jep klubit bavarez një hapësirë manovrimi në bisedimet e ardhshme.

Sipas SPORT BILD, drejtuesit planifikojnë të sigurojnë shërbimet e Olise afatgjatë me një rritje page dhe një kontratë të re deri në vitin 2031.

Drejtori sportiv Maks Eberl entuziazmohet: “Edhe në sezonin e tij të parë, Majkëll ka lënë shumë përshtypje.

Është një lojtar për të cilin tifozët vijnë në stadium; është kënaqësi ta shohësh të luajë futboll.” Dhe për përpjekjen për ta mbajtur lojtarin më gjatë: “Ai ka ende mbi tre vjet e gjysmë kontratë, do të bëhet gjithnjë e më shumë faktor vendimtar në lojën e Bajernit dhe do të formësojë të ardhmen e këtij ekipi – nëse varet nga ne: sa më gjatë, aq më mirë.”

Presidenti Herbert Hainer thekson: “Majkëll Olise ishte një figurë relativisht e panjohur vetëm pak më shumë se një vit më parë – sot, e gjithë bota e njeh.

Firmosja me të është provuar si një goditje e vërtetë, dhe ai ka bërë hapin në ligën ndërkombëtare të elitës me Bajernin brenda një kohe shumë të shkurtër.”

Kryetari i bordit mbikëqyrës gjithashtu mbështet përpjekjet e Eberl për ta zgjeruar bashkëpunimin me Olise. Hainer: “Ai është një fytyrë e Bajernit të ri, dhe shpresojmë që të mbetet i tillë për një kohë të gjatë.