E kërkoi Liverpooli

Braziliani Antony, tashmë lojtar i Betis, i është rikthyer edhe njëherë kohës së tij te Manchester United.

Anësori ka zbuluar se ishte shumë pranë transferimit te Liverpool, por në fund zgjodhi “Djajtë e Kuq” dhe nuk është bërë pishman për vendimin e tij.

“Përpara se të nënshkruaja për United, po, isha afër nënshkrimit për Liverpool.

Çdo gjë ka një ‘pse’ dhe nuk i shoh vetëm kohët negative që kam kaluar atje, sepse kam fituar edhe tituj dhe kam pasur përvoja të shkëlqyera.

Pra, nuk pendohem. Jam një njeri që i pranon përgjegjësitë e mia.

Mendoj se çështjet jashtë fushës më ndikuan shumë, në performancën time.

Nëse shkova tek United, ishte sepse Zoti donte që unë të isha atje, të mësoja dhe të kaloja nëpër gjërat që kalova”, tha Antony, në një intervistë të fundit për ESPN Brasil.