Sulm me dronë në Poltava dhe shpërthime në Kharkiv – Rusia godet sërish infrastrukturën civile në Ukrainë

Forcat ruse kanë sulmuar gjatë natës rajonin e Poltavas në Ukrainë me dronë, duke shkaktuar zjarre në disa zona dhe dëme në infrastrukturë civile.

Lajmi u konfirmua nga Shërbimi Shtetëror i Emergjencave i Ukrainës, përmes një njoftimi në Telegram.

“Sulmet goditën infrastrukturën civile, duke shkaktuar zjarr në ndërtesa administrative. Gjithashtu, një shtëpi dhe një ndërtesë ndihmëse u dëmtuan”, thuhet në deklaratë.

Ndërkohë, shpërthime janë dëgjuar edhe në qytetin e Kharkivit, ku raportohet për disa zjarre të shpërthyera në zona të ndryshme të qytetit, si pasojë e sulmeve të tjera ruse.