Manchester Utd hyn në bisedime me Harry Maguire për një marrëveshje të re

Manchester United është në bisedime me Harry Maguire për një kontratë të re.

Kontrata aktuale e mbrojtësit 32-vjeçar skadon në fund të sezonit dhe thuhet se ekipi i tij është takuar me klubin për diskutime ballë për ballë mbi një zgjatje të saj.

Mediat britanike pohojnë se priten më shumë diskutime, me Unitedin të lumtur për kontributin e Maguire në skuadër dhe udhëheqjen e tij. Maguire ka qenë në “Old Trafford” që kur nënshkroi nga Leicester në verën e vitit 2019.

Asokohe ky ishte një transferim rekord për një mbrojtës, 80 milionë stërlina. Ai ka qenë titullar në tre nga tetë ndeshjet e United në të gjitha garat deri më tani këtë sezon nën drejtimin e Ruben Amorim.