Gazetari serb: Disa tifozë shqiptarë kanë siguruar bileta...

Në prag të ndeshjes Serbi-Shqipëri (nesër),, mediat serbe raportojnë për masa të rrepta sigurie dhe për “tentativa nga tifozët shqiptarë” për të siguruar bileta në stadium.

Gazetari Branko Spasojeviq deklaroi se biletat për këtë ndeshje nuk kanë qenë në shitje të lirë, por janë shpërndarë në mënyrë të kontrolluar përmes Federatës së Futbollit të Serbisë dhe klubeve lokale.

“Megjithatë, ka shtuar ai, ka pasur seriozisht zëra se disa bileta janë kërkuar dhe ofruar nga tifozë shqiptarë në jug të Serbisë, konkretisht në Vranjë dhe Bujanoc, ku dyshohet se është tentuar shpërndarja e tyre”.

Ai ka raportuar se autoritetet serbe janë në dijeni të këtyre përpjekjeve dhe kanë marrë masa të forta kontrolli.