Erdogan: Turqia mbështet çdo plan për të ndaluar gjenocidin në Gaza

Presidenti turk, Recep Tayyip Erdogan, ka shprehur mbështetjen e vendit të tij për çdo plan për të ndaluar “gjenocidin” izraelit në Gaza.

“Ne mbështesim plotësisht çdo projekt që do të ndalojë përgjithmonë masakrën dhe gjenocidin që ka ndodhur në Gaza për dy vjet”, tha Erdogan në një fjalim në qytetin Rize të Detit të Zi, shkruan AA.

Ai shtoi se Turqia shpreson që marrëveshja e re e armëpushimit midis Izraelit dhe Hamasit do të çojë në paqe, qetësi dhe siguri të qëndrueshme në Gaza dhe territore të tjera palestineze.

Presidenti turk gjithashtu kërkoi nga Izraeli të zbatojë marrëveshjen e armëpushimit në Gaza që nënshkroi dhe t’i japë fund politikave të tij agresive që kërcënojnë rajonin dhe sigurinë e popullit të tij.

Ndryshe, rreth 200 trupa amerikane kanë filluar të mbërrijnë në Izrael për të ngritur një qendër koordinimi që synon lehtësimin e rrjedhës së ndihmës humanitare, si dhe ndihmën logjistike dhe të sigurisë në Gaza.

Ata nuk pritet të hyjnë në territor.