Allegri: Ja çfarë na duhet për titullin

Në prag të ndeshjes Milan–Pisa, trajneri Allegri tha se kërkon ta mbajë kreun e Serie A duke përfituar edhe nga përplasja direkte Napoli–Inter: “Do të jetë e vështirë, sepse Pisa është skuadër fizike.

Duhet të përballemi me respekt”.

Për krahasimet me Juventusin: “Janë të kota, çdo vit është ndryshe. Duhet të flasim pak dhe të punojmë shumë”. Allegri theksoi rëndësinë e vazhdimësisë:

“Duam të kthehemi në Champions, na duhen të paktën 74 pikë. Kërkoj qetësi dhe maturi. S’ka arratisje, duhet të qëndrojmë me këmbë në tokë”. Për titullin: “Duhet të pësojmë maksimumi 20–25 gola, pastaj të shohim”.

Për Leao: “Nuk e ndryshoj, mund të luajë si sulmues i parë ose i dytë”. Për Modric: “Është kampion, gabon pak dhe ka një ritëm ndryshe në pasim”. Ai vlerësoi Gimenez dhe Pavlovic:

“Janë në rritje, golat do të vijnë”. Fjalën e tij e përfundoi kështu: “Duhet të jemi të përulur, të punojmë në heshtje dhe çdo ndeshje ta luajmë si finale”.