Befason Arda Turan: Messi detyroi botën e futbollit të shpikë mënyra të reja mbrojtjeje

Ish-futbollisti i Barcelonës, Arda Turan, ka lavdëruar Lionel Messin, duke thënë se prania e tij në fushë është aq e madhe sa e ndryshon krejt mënyrën si luan ekipi.

Në një intervistë të fundit, Turan u shpreh:

“Nëse ke një Messi, mund të mbrohesh 9 kundër 10. Por nëse ke Messin, Mbappen, Neymarin dhe do të mbrohesh 7 kundër 10, kjo nuk do të jetë e mjaftueshme në nivelin e Ligës së Kampionëve”.

Kur u pyet nëse Messi ndihmon në mbrojtje, Turan ka thënë:

“Mendoj se Messi është një lloj tjetër lojtari në këtë botë. Është ndryshe nëse e ke atë. Por të gjithë në botë duhet të ndihmojnë mbrojtjen e ekipit”.

Sipas tij, vetëm prania e Messit në zonën e tij është e mjaftueshme për të mbajtur ekuilibrin taktik të ekipit.

“Nëse ai vjen në këtë pozicion, kjo është e mjaftueshme. Ai nuk ka nevojë të ndihmojë. Ai mund të vijë duke ecur. Nëse ke Messin, mund të mbrohesh 4-4-1, kjo është në rregull”.

Aktualisht, Lionel Messi po kalon një sezon fantastik me Inter Miamin. Në edicionin 2024/25, ai ka 39 gola dhe 19 asiste në 44 ndeshje në të gjitha kompeticionet.