Spaleti mohon zërat

“Juventus? Nuk kam pasur asnjë kontakt me asnjë ekip italian, por dua të kthehem”, tha Luçiano Spaleti, në një aktivitet në kinemanë Anteo në Milano, kur u pyet për të ardhmen e tij.Ish-trajneri i kombëtares po përpiqet të hedhë poshtë thashethemet për transferime, por mbetet në pozicionin e favorshëm për të zëvendësuar Igor Tudor në stolin e Juventusit pas shkarkimit të kroatit.

“Kam ambicien të kompensoj atë që më ndodhi së fundmi.

Po pres me qetësi se çfarë do të ndodhë “, shtoi Spaleti, i cili më pas foli për Tudorin:

“Ai dukej si një person serioz, një njeri i vërtetë me vlera, dhe duke e parë të punonte në stol më dha përshtypjen e një personi me substancë, i cili shkon drejtpërdrejt në zemër të çështjes. Më vjen keq për atë që po kalon tani, por kushdo që e zëvendëson do të jetë me fat sepse do të gjejë një ekip të stërvitur mirë. A është Juve i pajisur për të fituar  titullin? Nuk e di. Unë jam personi më pak i përshtatshëm për të folur për këtë tani.”

Në fakt, sipas thashethemeve të fundit, një takim midis Juventusit dhe Spaletit është planifikuar për sot, me perspektiva të mira për arritjen e një marrëveshjeje, por trajneri konfirmoi se deri tani nuk ka pasur asnjë kontakt.