Suspendim i përjetshëm për dy futbollistët e KF Besës

Federata e Futbollit të Maqedonisë njofton publikun se Komisari Disiplinor i Ligës së Tretë – Veri ka vendosur të pezullojë për jetë futbollistët Orhan Demiri dhe Erdin Arifi nga KF Besa nga Sllupçani, për shkak të një sulmi fizik dhe një përpjekjeje për të linçuar një futbollist kundërshtar pas ndeshjes Besa Sllupçan – Aerodrom, të luajtur në kuadër të raundit të 8-të të Ligës së Tretë – Veri.

Fusha vendase e FK Besa Sllupçane është pezulluar për 10 (dhjetë) ndeshje.

Në të njëjtën kohë, KF Besa, në përputhje me rregulloren disiplinore, është e detyruar të paguajë edhe një gjobë.

Federata e Futbollit të Maqedonisë dënon fuqimisht çdo formë dhune në fushat e futbollit dhe do të vazhdojë të zbatojë me konsistencë të gjitha rregulloret disiplinore, me qëllim mbrojtjen e integritetit të ndeshjeve dhe sigurinë e të gjithë pjesëmarrësve në futboll.

Qëndrimi i FFM-së është i qartë dhe i prerë:

Nuk ka vend në futboll, nuk ka mëshirë për ata që janë të përgatitur të rrahin, linçojnë dhe njollosin reputacionin e futbollit.