Ndeshja vendimtare e Shqipërisë

Anglia ka qenë skuadra e parë europiane që ka siguruar biletën e saj në Botërorin 2026. Kjo bën që “tre luanët” të përballojnë më të qenë dy ndeshjet e fundit të tyre, ndaj Serbisë dhe Shqipërisë.

Ndeshje të cilat janë vendimtare për fatin e ekipeve që kanë përballë në luftën për play-off, por edhe një mundësi për Tuhel që të eksperimentojë dhe të shohë nga afër opsione të reja për ekipin që do të përzgjedhë për të marrë pjesë në Botërorin e vitit të ardhshëm.

Sipas mediave angleze, ai po përgatit një surprizë të pazakontë për këto dy ndeshje, pasi do të ftojë një lojtar nga kategoria e dytë angleze.

Karl Rashuorth, portieri 24-vjeçar i Koventri, është një prej lojtarëve që ka shkëlqyer në startin e sezonit në Championship dhe kjo ka tërhequr vëmendjen e Tuchel dhe stafit të tij.

Lojtari i huazuar nga Brajton, ka regjistruar 613 minuta radhazi pa pësuar gol, duke vendosur rekordin e ri për Koventrin, që  është kthyer në klub kandidatë për t’u ngjitur në elitë.

Kësisoj, Tuhel po planifikon që ta bëjë pjesë të “tre luanëve” në ndeshjet e nëntorit, ku mendohet se do të ketë rotacion në portë pasi trajneri gjerman do të shohë mirë këtë repart dhe ndoshta edhe të ndryshojë hierarkinë mes shtyllave.