Malisheva zyrtarizon kryetrajnerin e ri

Malisheva ka prezantuar kryetrajnerin e ri.

Elon Berisha, ish trajner i Prishtinës së Re, do t’i prijë Malishevës e cila mban vendin e gjashtë me 16 pikë të mbledhura në elitën e futbollit të Kosovës.

“Elon Berisha është Kryetrajneri i ri i FC Malisheva.

Kemi arritur marrëveshje me trajnerin, Elon Berisha i cili do të e udhëheqë Shtabin Teknik të klubit tonë.

Kryetrajneri i ri udhëhoqi Prishtinën e Re duke shkruar historinë, nga liga e dytë, deri në Superligë, aty ku e drejtoi për 5 xhirot e para.

Me Elonin kemi dakorduar rrugën tonë përpara, drejt objektivave tona, andaj jemi të bindur se bashkë do t’i arrijmë.

Në ditët në vazhdim do të prezantojmë edhe përbërjen e plotë të shtabit të ri teknik”, njofton FC Malisheva.