Upamecano i Bayernit kërkon të minimizojë “polemikat” pas lëndimit të Hakimit

Achraf Hakimi u largua nga “Parc des Princes” me paterica të martën në mbrëmje.

Mbrojtësi i Paris Saint-Germain ishte viktimë e një ndërhyrjeje me gërshërë nga Luís Diaz, i cili më pas u përjashtua.

Por, fillimisht ishte ish-sulmuesi i Liverpoolit që vendosi kontroll të plotë me dy golat në pjesën e parë.

Ndërsa kartoni i tij i kuq më vonë në pjesën e parë i lejoi kampionëve në fuqi të Evropës të ktheheshin në lojë në pjesën e dytë, Bayern Munchen ia doli të sigurojë një fitore prej 2:1.

Ndërkohë kjo ishte humbja e parë për kampionët në fuqi të Champions League.

Josip Stanisiq kaloi nëpër mix zonë pas ndeshjes dhe shakaja e tij për natën plot ngjarje të kolumbianit nuk është pritur mirë nga të gjithë.

“Jo, ai nuk kërkoi falje për kartonin e kuq, ne e falënderuam… jo, po bëj shaka”, tha lojtari i Bayern Munich. Komenti i tij, në dritën e dëmtimit të Hakimit, serioziteti i të cilit ende nuk është përcaktuar, nuk tregoi ndjeshmëri.

Shoku i tij i skuadrës, Dayot Upamecano, tani është përpjekur ta minimizojë reagimin e Stanisic. “Mos kërko polemika aty ku nuk ka. Më vjen keq për dëmtimin tënd. Shërohu shpejt”, shkruhej në postimin e francezit në Instagram, në të cilin u etiketua edhe Hakimi.